“Кексаларни эъзозлаш йили” Давлат дастурида белгиланган вазифаларни амалга оширилишини таъминлаш мақсадида “КЕКСАСИ БОР УЙНИНГ ФАЙЗИ БОР” мавзусида эълон қилинади. 
  Фототанловнинг I-босқичи “9 май – ҳотира ва қадрлаш куни”га, университетимизнинг 60 йиллик юбилейига ва фахрий устоз-мураббийларимизга бағишланган. Бу босқичида “Менинг устозим” ва ватанимиздаги нуроний кексалар ҳаётидан ҳикоя қилувчи “Маҳалламиз нуронийлари” номинациялари мавжуд бўлиб, бу босқич учун фотосуратлар 2015 йил 1 майгача қабул қилинади. 
    Фототанловнинг II-босқичи “1 октябрь – устоз ва мураббийлар куни”га бағишланган бўлиб, бу босқич учун фотосуратлар 2015 йил 15 сентябргача қабул қилинади. Фототанловнинг бу босқичида “Менинг устозим”, “Менинг университетим” ва “Менинг ватаним” номинациялари мавжуд. 
    Бундан ташқари, фототанловга топширилган фотосуратларга электрон равишда овоз бериш имконияти яратилди. Бунинг учун университетнинг расмий www.tuit.uz web-сайтида жойлашган фототанловнинг махсус Web-саҳифасига кириш, фотосуратларни кўриш ва сизга маъқул бўлган фотосуратга like тугмасини босиш орқали овоз бериш кифоя. Фотосуратларга комментарийлар ҳам бериш мумкин.
  Эслатиб ўтамиз, фототанловга топширилган барча фотосуратлар “Телестудиялар тизимлари ва иловалари” кафедраси мутаҳассислари томонидан кўриб чиқилади ва фототанловда иштирок этишга лойиқ деб топилган фотосуратлар электрон овоз бериш учун фототанловнинг махсус web-саҳифасига қўйилади.
     Фототанловда иштирок этиш учун фототанлов мавзусига мос келадиган фотосуратларни А4 форматда фотолабораторияда чоп этилиб (фотопринтерда эмас) А3 форматдаги қоғозга ёпиштирилган ҳолда ва ҳар бир фотосуратнинг электрон вариантдаги намуналари билан “Телевизион технологиялар” факультети “Телестудиялар тизимлари ва иловалари” кафедрасига тақдим этишлари керак. Фототанлов шартлари ҳақида ва бошқа саволлар билан кафедра профессор-ўқитувчиларига (Б.Базарбаев, Ш.Хусанов, Р.Тухтабаева) мурожаат қилиш мумкин. 
     Электрон овоз бериш натижаларига кўра танлов номинациялари бўйича ғолиб деб топилган ва электрон кўргазмада иштирок этган фотосуратлардан университетнинг “А” биноси фойэсида 4 май куни “9 май – ҳотира ва қадрлаш куни”га бағишланган фотокўргазма ва 26 сентябрь куни “1 октябрь – устоз ва мураббийлар куни”га бағишланган фотокўргазма ташкил этилади.
     Фототанловнинг “9 май-ҳотира ва қадрлаш куни”га бағишланган I-босқичи бўйича ғолиблар 8 май куни тантанали тақдирлаш маросимида эълон қилинади ва танловнинг дипломлари, қимматбаҳо совғалар билан тақдирланадилар.